كلمة بحبك

بحبك و لغيرك مقلهاش
وبدونك محسهاش
لقلبك مبطلهاش
و دوى لسحر رموشك ملقتلهاش
ريحي قلبي ولا أخليه ميعشهاش
والأحلام ميشفهاش
و غير المر طعم ميدقهاش
ويسكت لا ينفع معاه قطن ولا شاش
كل ده بسبب كلمة خايف ميسمعهاش
ويسألك عليها متردهاش
فكرت كتير وقلت مبدهاش
هصارحك عشان بينا غير الصدق معرفناش
ولو قلبك متوقعهاش
ومني محسهاش
أكنك مسمعتهاش
و يا ريت نفضل صحاب ميكونش بلاش




4/9/2011

الفرحة مش لينا

ليه يا دنيا بتذكرينا بأحزانا ولو فرح تنسينا 

فين ضميرك لما توزعيه علينا 

بتاخدي حقك ولو هتسرقينا

أكنك شايلاه في جيوبنا وبتاخديه قدام عنينا

وإلي يهمس ولا ينطق السلام عليه و علينا


ولينا حقوق كتير بس مش كلها بتبقى لينا


تعوز و تطلب وغير الرمل مش هتلاقي في إيدينا

2011/10/10

في ذكرى 16/3/2007

تاريخ تقريبا هي مش فكراه

من كتر التواريخ في حياتها نسياه

مرة أول نظرة و مرة أول لمسه و الباقي مش فاكراه

لو كل وردة هتحفظ اسم النحلة

يبقى الوردة أحق بالعقل تكون وخداه

5/4/2011

يريدون و انا أختار !!

لكل من ظن أنه الأغلى في حياتي
وله قد أدفن ذكرياتي

وبرحيله لن تحلو كلماتي

وسيقتل كل ما في داخلي للسعادة من معاني

ليصبح السواد لا غيره في علبة ألواني

لأبحث عنه في كل العالم و إن كان في حذائي

يظنون أنهم كل شيء و هم ليسوا إلا من أخطاء حياتي

ولن أذكرهم لولا نبل أخلاقي

وذكرى لي بها ابتسامة على شفاهي

و دمعة بالقلب تحرق الجرح الباقي

وإن كان جرح قلبي سيلتئم و إن طال انتظاري

فجرح الكرامة لن يلتئم ولو توقفت أنفاسي


1/8/2011

من قلبي

بقيت ليها الأغلى

بس هيا ليا الدنيا

و إزاي في الفترة ديا

أسلمها قلبي بإيديا

ومش باقي غير بحبك

مش عارف أخبيها منك

ومش عارف شعورك ليا

بس كلامك بيخليني أغمض عنيا

لو لقاني الحزن بعد ما دور عليا

على طول بيكي أفرح و يقول كفاية عليا

يا سبب الفرح إلي فيا

الله يخليكي ليا

31/7/2011

آخر تعديل

8/8/2011 (^_^)

فهموها

أمانة حد يفهمها

إنه انتهى إلي بيني و بينها

و ترجعلي قلبي زيما رجعتلها إلي أخدته منها

وأمانة أسألوها

إزاي بتنساهم

عشان انا غلبت أقول ناسيها

وعايش على كذبة طلعتها من بعديها

لا فراقك هيفرق معايا ولا على مشواري فيها

وسيبيني أعيش ولا حتى في فراقنا هطلعيها

عنية إلي عمرها ما شافت غيرك

مش عارف هو كده حبك

ولا بتنتقمي من إلي يحبك

غلطتي مش فهمتك

وفضلت مآمنلك

وصدقت كذبك

ولو كنت مدخلتش قلبك

قلبي منطقش غير اسمك

12/6/2011

أمنية !!

يارب اتغيرتي و قدرتي

كل قلب إنت فيه و ليه أخلصتي

واحترمتي مشاعره و ندمتي

لو في يوم غاب عنك وسألتي

عنه ولو كل يوم عليه اطمنتي

إيه يطفي ناره و إنت إلي فيه ولعتي

10/4/2011

قتلتها

قتلتها و هي لا تدري

نظرت في عيني و قالت

انتقم لي من الذي قتلني

وأحكمت قبضتها على يدي

حتى قطعت لها وعدي

ألا أترك له يوما ولكني

أكنت المذنب أم من خلص من الأسر قلبي

ولو كنت على وعدي

أأقتل قلبي أم أترك الذنب طول دهري يقتلني

كم سهل ذلك التمني

لأنه لم يكن إلا حلمي

25/3/2011

فكراني خنتها

فكراني خنتها

وفي ثانية نسيت كلمة قلتها

غير الوعود و الليالي إلي سهرتها

بوصفلها في قلبي قد إيه حبها

هحكلكم وأحكموا لو حقها

اتعرفت عليها و بالصدفة عرفتها

وحقيقي في البداية قلبي اتفتحلها

وشوفت فيها إلي كان في إلي قبليها

أيوة غلطتي إني قارنتها

بواحدة مش زيها

لا من بعيد ولا تقربلها

وفروق كتير مش هعدها

بس لسه في قلبي و خيرتها

رضيت وقالت مش هسمحلها

تفضل في قلب حبها

وخليها عليا و أراهنك لو اتذكرتها

كلمة بأربع حروف سألتها

وحشتني و ياه لو سمعتها

تعبتني فيها مع إني نطقتها

ومن قلبي طلعتها

مش عارف ده المفروض

ولا ده إلي اتعودت عليه مع إلي قبلها

استنين حنانها كتير و سامحتها

آسف على غلطة مش عملتها

بس و الله كنت بحبها

12/4/2011

ذكرى

ذكرى و لسه مجاش موعد نسيانها

عايش بيها و بعمل إلي عليا و بحاول أنكارها

إذا اتناسيتك في يوم أتأكد إني هحلم بيها و أنا نايم بين أحضانها

كل ما أشوف حاجة تذكرني بيكي أقول هي إلي كنت عايش عشانها

دلوقتي اتأكدت إن الذكرى

ممكن تقتل طرف من أطرافها

29/12/2009

موعدتش عنيكي

بتحسي بيا و مش بحس بيكي

وتقوليلي بحبك ولا بقولها ليكي

وعايشة في هوانا بدون ما أوعد عنيكي

نفسي أقولك أنسيني

مش أنا إلي قعدتي سنين تستنيني

قبل ما يزيد شوقي و تندمي إنك عرفتيني

اللوم عليكي لإنك حبتيني بس بعنيكي

11/10/2010

كانت أجمل أيام عمرنا

ياه لو كنت أعرف إلي هيحصلنا

وإن هييجي علينا يوم مش هنلاقي بعضنا

ولا حتى في قلب ضمنا

من بعد ما كانوا بيحلفوا قد إيه بقى حبنا

وصحيح رجعتلك قلبك

بس لغاية دلوقتي معرفش فين قلبي أنا

5/11/2010

ويا ترى إزاي قدرتي تنسي أحلامنا و حبنا

وإزاي هانت عليكي همساتنا و صمتنا

لا مش الزمن إلي عمل .. إنتي

إنتي إلي هدمتي بإيدك قصرنا

قصر هوانا إلي ياما فيه عشنا ألمنا و فرحنا

إنتي إلي اخترتي يا حب عمري

تقتلي أجمل أيام عمرنا

هنسهاله ..

و عدت قلبي هنسهاله

و مخلهاش تيجي يوم على باله

و ينسى أحلى أيام عيشتهاله

بس إنت متستهليش عذابه

و المر و آآهاته

و الليالي الي سهرتهاله

و أوعدك هنساكي

آه هنساكي و ماله

لا إنت سبب نبضاته

ولا سبب أفراحه و لا إلي جاي من أيامه


10/11/2010

شافتها بتلمع

غصب عني شافت عنيا بتلمع

وكل ما بشوفها بناديها بس يااه لو تسمع

يمكن تكون نادت عليا بدون ما حد يسمع

و أكون أنا إلي بتناديه مع كل شروق شمس يطلع

وكل ما أقول هصارحها ..... بجد شعور بيوجع

ومتأكد دقات قلبي بتسمع

بس آآه مين يسمع

كتير قصدت أواجها بس تهت في عنيها

لا عرفت عنيها لمعت ولا ديه عيني و هي بتلمع

16/12/2010

حبيتها !!

حبيتها ولا روحت أقولها و أوصفلها
شعوري و إن قلبي جواه حابسها
ولا قادر أنساها و أصدقك إنه
مجرد إحساس من نحيتها

خفت أسألهم عنها

و أخسر حتى عليا سلامها
و خفت أروح أصارحها
و أخسر حتى عليا نظرة صداقتها

هتفضل يا قلبي أسير نظرتها

ولو مكانتش ليك ولا إنت ليها

انساها يا قلبي و ارحمني من نار محبتها

مفيش غيري و غيرك إلي هيطلع منها

وترجع تندم زي إلي قبليها سوء اختيارها

5/4/2011

إمتى أنساكي

إمتى أنساكي

ولما أسمع اسمك مسمعش دقات قلبي بوداني

ومسرحش بعيد في خيالي

ومقولش ياه لو ترجعي تاني

أصلك متعرفيش إنت قد إيه وحشاني

و أفضل فاكرك طول أيامي

لغاية ما أشوفك في أحلامي

و إنت نايمة بين أحضاني

و بتهمسيلي متبعدش عني

ومتكنش أناني

ساعتها استغرب حالي

مظلوم و معاكي شايف نفسي إني الجاني

27/11/2010